جراند بلازا الملك فهد - مركز الملك عبدالله المالي

فندق جميل، الطاقم لطيفين وبشوشين ويساعدون بكل رحابة صدر، النظافة جميلة، الاضاءة مريحة، السرير مريح لكن الاكل مو لذيذ في مطعهم، لكن بصفة عامة فندق لطيف

مرحبا أقمت ثلاث ليال فندق مريح من لحظة دخولي فيه راحة وبشاشة واستقبال لطيف من الموظف السعودي اسمه عبدالله 💐 اشكر أدارة الفندق على اختيار موظفين شباب سعوديين على مستوى عال من الاحترافية والمهنية الفندقية الممتازة 👍 ومن المميزات ايضاً: هدوء الفندق رغم وقوعه على شارع رئيسي مزعج سرعة الخدمة الداخلية. والنظافة

الفندق جميل والموقع ممتاز قريب جدا من المركز المالي وسهل الوصول.

حجزت قاعة المناسبات في الفندق وكان تعاملنا مع الأخت مرام الخرجي شكراً من القلب لها على جهودها وحرصها واهتمامها بكل تفاصيل مناسبتنا ولرقة اسلوبها و لطافة تعاملها 💓 كل شي كان رائع ومثل ما تمنينا ماقصرت وبيض الله وجهها💓💓 وطاقم الفندق في الضيافة والبوفية ماشاء الله هبة ريح ماقصروا بشوشين ونفوسهم حلوة وخدومين الله يجزاهم كل خير.

نزلت في فندق جراند بلازا لمدة اسبوع تقريباً من اول دخولنا الى نهاية يوم حجزنا وكان كل شي ممتاز استقبلنا الموظف عبدالمجيد كان تعامله لطيف واحترافي وخدمتهم ممتازه بإذن الله اكرر زيارتي لهم تاني

اخذت قاعة الياسمين لمناسبة استقبال، وللأمانة كانت رائعة جداً والفضل يرجع بعد الله للاستاذة مرام منسقة القاعة كانت جداً متعاونه وسوت لي تصميم القاعة مثل ما ابي وافضل ابهرتني بصراحه وابهرني التعاون والخدمة الرائعة كل شي احتاجه وفرته لي هي والطاقم كامل واذا ماهو متوفر اقترحت علي حلول وافكار رائعة فعلاً ما ندمت امي اخذتها ولي تعامل اخر بإذن الله وشكراً الاخت مرام تعبت معي بصدر رحب

فندق راقي جداً جلست في اللوب ولقت انسان قمه في الخلق حسن هتان تحياتي

تجربه ناجحه ومميزه ..الشكر الجزيل للأخت الذووق 💕 مرام💕 تعجز كلماتي توفيها حقها تعاون وحسن اخلاق وإخلاص وأمانه في أداء عملها الله يوفقك حبيبتي ويسعدك مثل ماأسعدتيني وأخرجتي زواج بنتي مثل ماتمنيت وأكثر

تجربه رائعه والسبب والفضل لله ثم للاستاذ عبدالمجيد من الاستقبال والمشرف الاستاذ حسن تعاملهم اكثر من ممتاز

مسافر بغرض العمل حجزي كان سويت غرفه وصاله الصراحه من الاخر بأعتمده لزياراتي القادمه للرياض، السرير مريح، التكييف ممتاز سريعين ومتعاونين انا سويت تشيك ان بدري بالصبح وكانوا خدومين والموظفين شباب سعوديين محترفين ماشاءالله، الفندق على شارع عام ومزدحم لكن عزل الصوت ممتاز

ما سكنت بالفندق لكن زرت بوفية الفطور وكان جيد 👍🏻 ماهو كبير لكن جميل الجلسات جميلة أصناف المقبلات والحلويات والفاكهة تأخذ الجزء الأكبر من البوفية يوجد قهوة جاهزة ويوجد آلة قهوة لمن أراد تحضيرها الكبدة فرش ولذيذة الشيف يضبط الأومليت قدامك الخبر ماهو فرش أصناف الفطور الشعبي قليلة